Mga Awit 120

¹ Sa aking kahirapan tumawag ako kay Yahweh, at sinagot niya ako.

² Iligtas mo ang aking buhay, O Yahweh, mula sa mga sinungaling na labi at mula sa mandarayang dila.

³ Paano ka niya parurusahan, at ano pa ang magagawa sa iyo, ikaw na may sinungaling na dila?

⁴ Papanain ka niya ng matalim na mga pana ng mandirigma, kung saan hinulma sa mainit na mga uling ng puno ng tambo.

⁵ Kaawaan ako dahil pansamantala akong naninirahan sa Mesech; nanirahan ako dati sa mga tolda ng Kedar.

⁶ Matagal akong nanirahan kasama silang napopoot sa kapayapaan.

⁷ Ako ay para sa kapayapaan, pero kapag ako ay nagsasalita, sila ay para sa digmaan.