Mga Awit 114

¹ Nang lumabas ang Israel sa Ehipto, ang sambahayan ni Jacob mula sa mga dayuhan na iyon,

² ang Juda ang naging banal niyang lugar, ang Israel ang kaniyang kaharian.

³ Nakita ito ng dagat, at tumakas ito; umatras ang Jordan.

⁴ Ang mga bundok ay lumukso na parang mga tupa, ang mga burol ay lumukso na parang mga batang tupa.

⁵ Bakit ka tumakas, O dagat? Jordan, bakit ka tumakas?

⁶ Mga bundok, bakit kayo lumukso na parang mga tupa? Kayong maliliit na burol, bakit kayo lumukso na parang batang tupa?

⁷ Mayanig ka, O lupa, sa harap ng Panginoon, sa presensiya ng Diyos ni Jacob.

⁸ Ginawa niyang lawa ng tubig ang malaking bato, ginawa niyang bukal ng tubig ang matigas na bato.